Premiu Nobel de la Paz |
Albert Arnold Gore, Jr. (31 de marzu de 1948, Washington DC), más conocíu como Al Gore, ye un políticu y ecoloxista d'Estaos Xuníos. Foi'l cuadraxésimuquintu Vicepresidente de los Estaos Xuníos ente 1993 y 2001 baxo la presidencia de Bill Clinton y candidatu a la presidencia del país nel añu 2000, cuando perdió les eleiciones presidenciales frente a George Walker Bush. En 2007 foi gallardoniáu col Premiu Nobel de la Paz pola so contribución a la reflesión y aición mundial escontra el cambéu climáticu, y col Premiu Príncipe d'Asturies de Cooperación Internacional.
En 2006 protagonizó el documental ganador del Óscar An Inconvenient Truth, que trata alrodiu del escalientu global, nel que fai responsable a les persones y empreses que lu xeneren, y encamienta a aniciar un camín de gueta d'enerxíes "llimpies" pa evitar el desaniciu del planeta.
Al y Tipper Gore residen anguaño en Nashville. Tienen cuatro fíos: Karenna (1973), Kristin (1977), Sarah (1979) y Albert III (1982). Tienen tamién dos ñetos: Anna y Wyatt.
© MMXXIII Rich X Search. We shall prevail. All rights reserved. Rich X Search